top of page

Залы музея

Виртуальнай музей Улуу Кыайыы 75 сылыгар уонна оскуолабыт 60 сыллаах юбилейыгар анаан оҥоһулунна. Хас биирдии киһи бэйэтин төрөөбүт дойдутун историятын билихтээх, ытыктыахтаах, кининнэн киэҥ туттуохтаах. Төрүттэрбит олохторун, үгэстэрин туһунан билии көлүөнэттэн-көлүөнэҕэ бэриллэ туруохтаах. Кинилэр саҕалааһыннарын биһиги салҕыах тустаахпыт.

Музей матырыйаалларын 4 залга араардыбыт:

1 зал: "Кальвица сэлиэнньэтин историята". Бу залга Бөргө үрэхпит туһунан, Кальвица бөһүөлэгэ хайдах төрүттэммитин, төрүт олохтоохторун туһунан кэпсэнэр.

2 зал: "Балыктааһын сүрүн дьарыкпыт. Манна 1930-с сылтан саҕалаан 1995 сылга дылы балыктааһын хайдах сайдан испитин, сэрии сылыгар кимнээх балыктаан ыар сылы ааспыттарын, 80-90-с сылларга аатырбыт биригэдьиирдэр, балыксыттар династияларын туһунан суруллар.

3 зал: "Оскуола историята". Үөрэх сайдыы кыһата - оскуолабыт барахсан. Кальвица оскуолата 2020-2021 үөрэх дьылыгар 60 сыллаах үбүлүөйэ. Манна барыта 300-кэ оҕо үөрэнэн, билии кынаттанан, олох үрдүк аартыгар аттаммыттара. Үлэлээбит дириэктэрдэр, үөрэппит учууталлар уонна выпускниктар тустарынан бу залга билсиэххит.

4 зал: "Тыыннаахтар умнубат сыллара" сырдатар Аҕа дойду Улуу сэриитин кыттыылаахтарын, тыылга, үлэ фронугар бэйэлэрин сүдү кылааттарын киллэрбит ветераннарбытын уонна сэрии кэмин оҕолорун.

кальвица.jpg
1 зал: "Кальвица сэлиэнньэтин историята"
12.png
2 зал: "Балыктааһын - сүрүн дьарыкпыт"
Школа зал.png
3 зал: "Оскуола историята"
1.png
4 зал: "Тыыннахтар умнубат сыллара..."
bottom of page