top of page

3 зал: "Оскуола историята"

1959 с. олохтоохтор куустэринэн, Дьяконов Петр Николаевич прорабтаах саҥа оскуола тутуута саҕаламмыта.

Бөһүөлэх олохтоохторо оскуола тутуутун субуотунньугар эдэрдиин- кырдьаҕастыын бары биир киһи курдук улэлээбиттэрэ. Бөһүөлэк бастакы тракториһа Петухов Петр Петрович ойууртан тутуу бэрэбинэтин, Сангаартан муоста хаптаһынын тууннэри –кунустэри таспыта.1960-1961 үөрэх дьылыгар оскуола дьиэтэ бутэн, улэ5э киирэн, 4 кылаастаах начальнай оскуола бастакы үөрэх дьылын үөрүүлээхтик  саҕалаабыта. 1кы кылааска 13 о5о үөрэнэ киирбитэ. Бастакы учууталларынан кэргэннии Андреевтар, Анастасия уонна Николай Алексеевич үлэлээбиттэрэ. Салгыы Павлова А. А., Данилов А. Н., Протопопова К. П., Полятинская А. Н., кэргэннии Неустроевтар, Аввакумов М.С, Гуляева А.К., Федорова Л.Я.,  Лебедева З.С. Азарова Т.А. уо.д.а үлэлээбиттэрэ. Кэргэннии Черноградскайдар, Фаина Ильинична уонна Октябрин Иннокентьевич үлэлиир сылларыгар - маҥнайгы елка, маҥнайгы пионерскай кутаа, маҥнайгы хайыһар, поход үгэскэ кубулуйбуттара. 10-тан тахса сылы быһа сэбиэдиссэйинэн уонна учууталынан Колесова Акулина Ефимовна улэлээбитэ. Кини суос соҕотоҕун үс кылааьы биирдэ үөрэтэр түгэнэ эмиэ баара.

1995с. бөһүөлэк олохтоохторун көрдөһүүлэринэн оскуола выпускницата, Куокуй нэһилиэгин баһылыгынан улэлии сылдьыбыт, Попова Аграфена Кирилловна уонна оскуола директора Охлопкова Маргарита Ионовна туруорсууларынан иккис оскуола –дьиэтэ тутуллан, 9 кылаас аьыллыбыта. 1996 с. биология, химия, география учуутала, Спиридонова Анастасия Никифоровна ке5улээьининэн «Арчы» экологическай тэрилтэ тэриллибитэ.

2002-2003 үөрэх дьылыттан саҥа үрдүк үөрэҕи бүтэрбит, физкультура учуутала Никифоров Кирилл Кириллович  директорынан ананан, оскуола материальнай техническай базата тупсарыгар, учуутал улэтэ урдук таһымна тахсарыгар улэлэспитэ.

2006-2010 үөрэх дьылларыгар, Алексеева Татьяна Петровна  үлэлээбит кэмеэригэр, 4 сыл субуруччу мас тардыһыытыгар балыксыттар бириистэригэр улуустааҕы курэхтэр (тэрийээччи Никифоров К.К.) буоллулар, компьютернай кылаас тэриллибитэ, Интернет киирбитэ. Алын кылаастарга Занков систематын апробациялааһын саҕаламмыта. Алын кылаастар кабинеттара ылыллыбыта.

2011-2012 үөрэх дьылыгар Полятинскай А.Д. директордаабыта.

2012-2013 уерэх дьылыттан директорынан Спиридонова А.Н. үлэлээбитэ. Интерактивнай дуоскалаах кабинеттар үлэ5э киирбиттэрэ, компьютердар, ноутбуктар, спортивнай снарядтар, кухня тэрилэ  ылыллыбыттара.

2017-2019 үөрэх дьылыгар нуучча тылын учууталынан үлэлээбит, Илларионова Надежда Валериевна директордаабыта. Кини улэлиир кэмигэр саҥа бөһүөлэккэ көһөн тахсан АКЦ дьиэтигэр оскуола олохтонно. Никифоров К.К. кеҕулээһининэн харчы хамыллан уонна Куокуй нэһилиэгиттэн теруттээхтэр спонсордаан улахан спортивнай оборудованиелар баар буоллулар. Реорганизация буолан оҕо саада оскуола тэрилтэтигэр киирдэ.

2019 сылтан перспективалаах эдэр үлэһит, Максимов Юрий Павлович директор быһыытынан үлэтин саҕалаата.  Лицензия, аккредитация саҥардылынна.

Билиҥҥи кэмнэ үөрэҕирии сайдыытыгар, үөрэтии маастарыстыбатын үрдэтии, билии хаачыстыбатын дириҥэтии, саҥа хайысхалаах иитии – үөрэтии, компьютеризация, о5ону Киһилии Киһи буолан тахсарыгар туһулаан иитии - бу оскуола сүрүн соруга.

Араас сылларга улэлээбит сэбиэдиссэйдэр уонна директордар

Оҕо саадын историятыттан

Безымянный.png

Кальвицаҕа оҕо саада 1964 сыллаахха Бөргө үрэх үрдүгэр сана тутуллубут дьиэҕэ арыллыбыта. Онно оҕолору 6 ыйдарыттан саҕалаан 7-лэригэр диэри ылаллара. 1 саастарыгар диэри саастаах оҕолор күнүскүгэ, онтон улахаттара нэдиэлэни быһа хонон сылдьаллара.

Маҥнайгы сэбиэдиссэйинэн Гуляева Серафима Ивановна улэлээбитэ. Кини о5о саадыгар анаан мебели, утуйар танаһы, аһы Сангаартан атынан тиэйэн аҕалара.

Оҕо саада аһыллыаҕыттан үлэлээбит дьонорунан буолаллар:

Сэбиэдиссэйдэр уонна иитээччилэр: Гуляева Анна Николаевна, Борисова Мария Петровна, Полятинская Аксиния Николаевна, Атласова Татьяна Николаевна, Петрова Аксиния Николаевна,  Гуляева Валентина Васильевна, Азарова Валентина Алексеевна,  Лукинова Мария Платоновна,  Баина Матрена Николаевна, 1984 сылтан Буркина (Новгородова) Мария Бруновна,  Алексеева Анна Кирилловна 1984 сылтан воспитателинэн, 1991 сылтан сэбиэдиссэйинэн улэлии – хамсыы сылдьаллар.

Иитээччи кемелеһееччүлэрэ  (ньээнкэлэр): Азарова Варвара Григорьевна, Обутова Ефросинья Васильевна, Данилова Дария Алексеевна, Гуляева Анна Семеновна үлэлии сылдьыбыттара.

1964-1993 сылларга поварынан  Герой Ийэ,  «Материнская слава» 1,2,3 истиэпэннээх мэтээллэрдээх, Үлэ бэтэрээнэ, Кэбээйи улууһун бочуоттаах олохтооҕо Архипова Мария Николаевна үлэлээбитэ.

Кэнники сылларга үлэлии сылдьаллар:

1976 сылтан энкилэ суох иитээччи көмөлөһөөччүтүнэн Гуляева Галина Николаевна, 1986 сылтан поварынан Олесова Анна Егоровна, остуорастарынан - Петрова В.Г., Яковлева А.П., Алексеев К.К., дворнигынан Данилова Ульяна Даниловна үлэлииллэр.

1994 сылтан  медицинскэй үлэһит миэстэтэ аһыллыбыта, онно Петухова Анна Григорьевна, салгыы Охлопкова Анна Григорьевна үлэлии сылдьар. Музыкальнай үлэһитинэн Александрова Лена Викторовна, Васильева Анна Семеновна уо.д.а. үлэлээн кэллилэр.

1993 сыллаахха оҕо саадын сана дьиэтэ аһыллыбыта.

Оҕо саада аһыллыаҕыттан үлэлээбит сэбиэдиссэйдэр уонна иитээччилэр

Видеоматериалы

Интервью у Павловой А.А. про первый год работы Кальвицкой начальной школы

Ахтыылар, ыстатыйалар

Галерея-фотоальманах

bottom of page